Մեկ թեյի գդալ մեղրը լուծել մեկ բաժակ ջրում և կստացվի 30%-անոց լուծույթ, որն իր բաղադրությամբ նման է արյան շիճուկին։ Այդ ջուրը շատ արագ ու առանց մնացորդի յուրացվում է օրգանիզմի կողմից։

Մեղրաջրի աղդեցությունը

·         Կարգավորում է մարսողությունն ու աղեստամոքսային տրակտի աշխատանքը,

·         Բարձրացնում է իմունիտետը (բուժվում են քրոնիկ ռինիտները, բրոնխիտները, թոքերը մաքրվում են լորձից),

·          Աղեստամոքսային տրակտի բոլոր մակաբույծները դադարում են բազմանալ մեղրաջուր ընդունելու դեպքում,

·         Մաքրվում են աղիները,

·         Բջջային մակարդակով մաքրվում է ամբողջ օրգանիզմը,

·         Բարձրանում է հակաբակտերիալ, հակավիրուսային և հակասնկային ազդեցությունը,

·         Կարգավորվում է հաստ աղիքի աշխատանքը, վերականգնվում է աղիների միկրոֆլորան և բուժվում է դիսբակտերիոզը,

·         Բուժվում է էնուրեզը, քանի որ մեղրը հավաքում է ջուրը և երիկամներն ու միզապարկը գիշերը հանգստանում են։

Բուժիչ ու կանխարգելիչ նկատառումներով մեղրաջուրը հարկավոր է խմել առավոտյան սոված փորին։ Շատ կարևոր է, որպեսզի մի բաժակ մեղրաջուրը խմվի մի շնչով։ Այս դեպքում ստամոքսի սեղմամկանն անմիջապես կբացվի և հեղուկը կանցմի աղիներ ու կներծծվի արյան մեջ։

Բացի այդ, մեղրաջրով կարելի է շփել դեմքը։ Այն սնուցում է մաշկը, դարձնում այն ավելի նուրբ, թավշյա ու փափուկ։ Սա բնական կոսմետիկ միջոց է՝ միաժամանակ ամենահինն ու ամենաժամանակակիցը։

Հայտնաբերվել է նաև, որ մեղրի ու դարչնի խառնուրդը բուժում է տարբեր հիավանդություններ։ Այս խառնուրդը դարեր ի վեր համարվել է անչափ օգտակար ու արդյունավետ։ Ժամանակակից գիտնականները նույնպես ընդունում են այս միջոցի արդյունավետությունը, որը չի առաջացնում ոչ մի բարդություն։ Բժիշկները նշում են, որ չնայած մեղրի քաղցրությանը՝ այն օգտակար է նույնիսկ շաքարային դիաբետով տառապողների համար։

Կան մի շարք հիվանդություններ, որոնց բուժման համար շատ օգտակար կլինի մեղրի ու դարչնի խառնուրդը։ Սակայն հարկավոր է հիշել, որ մեղրը պետք է միշտ լինի բնական, թարմ, հում, չպաստերիզացված և առանց հավելումների։

Քաշի նվազում.

Տարբերակ 1-ին.

Մի բաժակ եռման ջրին ավելացնել մեղր ու դարչնի փոշի, թրմել ու խմել ամեն օր առավոտյան նախաճաշից կես ժամ առաջ սոված փորին։ Պարբերաբար ընդունելու դեպքում այս խառնուրդը կօգնի զգալիորեն նվազեցնել քաշը և կանխել ճարպի կուտակումը։

Տարբերակ 2-րդ.

Խառնուրդը հարկավոր է պատրաստել երեկոյան՝ քնելուց առաջ։

·         Վերցնել դարչին ու մեղր՝ 1։2 հարաբերակցությամբ (½ թ.գ. դարչին և 1 թ.գ. մեղր, կամ 1 թ.գ. դարչին և 2 թ.գ. մեղր)։

·         Եռացնել մեկ բաժակ ջուր։

·         Ավելացնել դարչինը, ծածկել և կես ժամ թրմել։

·         Երբ խառնուրդը սառի, ավելացնել նաև մեղրը (բարձր ջերմաստիճանում այն կորցնում է իր բոլոր օգտակար հատկությունները)։

·         Խառնուրդն ընդունել քնելուց առաջ կես բաժակ։ Մյուս կեսը ծածկել և պահել սառնարանում։

·         Առավոտյան խմել խառնուրդի մյուս կեսը։ Խառնուրդը չտաքացնել, այլ խմել սառը վիճակում կամ սենյակային ջերմաստիճանում։

Այս բաղադրատոմսին չի կարելի ավելացնել որևէ այլ բաղադրիչ։ Խառնուրդը պետք չէ խմել հաճախ, քանի որ ազդում է միայն սոված փորին և հատկապես գիշերը։

Այս միջոցն օգնում է գրեթե բոլորին։ Գոտկատեղը կբարակի դեռ մինչ քաշի նվազելը։ Սակայն հարկ է հիշել, որ որոշ ժամանակ անց մարդը կդադարի նիհարել։ Մեղրն ու դարչինը մաքրում են օրգանիզմը բոլոր վնասակար նյութերից, սնկերից, բակտերիաներից ու մակաբույծներից, որոնք խանգարում են մարսողությանը՝ դրանով իսկ նպաստելով նիհարելուն։ Երբ օրգանիզմն ամբողջությամբ մաքրվի, քաշը կդադարի նվազել։

Սակայն այս ընթացքում տոքսինների առաջացման հետևանքով կարող են ի հայտ գալ այլ կողմնակի բարդություններ։ Այս դեպքում անհրաժեշտ է նվազեցնել օգտագործվող խառնուրդի քանակը։

Սրտի հիվանդություններ.

Ամեն օր անհրաժեշտ է նախաճաշին ուտել հացին քսած մեղրի ու դարչնի փոշու խառնուրդ։ Այս նախաճաշը կիջեցնի արյան մեջ խոլեստերինի մակարդակը և կկանխի սրտի կաթվածի հավանականությունը, նույնիսկ, եթե մարդը մեկ անգամ արդեն ունեցել է սրտի կաթված։

Բացի այդ, մեղրի ու դարչնի պարբերաբար օգտագործումը բարելավում է շնչառությունը և ամրապնդում սրտամկանը։

Թուլություն.

Վերջին հետազոտությունները ցույց են տվել, որ մեղրի մեջ պարունակվող շաքարն ավելի շատ օգտակար է քան վնասակար և կարող է ուժ ու էներգիա հաղորդել։ Պարբերաբար 1։1 հարաբերակցությամբ դարչին ու մեղր ընդունելը բարելավում է տարեցների ուշադրության կենտրոնացումն ու շարժունությունը։

Կարելի է ամեն օր առավոտյան և ժամը 15։00-ին ընդունել մի բաժակ ջրում լուծած կես ճաշի գդալ մեղր ու դարչին։ Այս լուծույթը կօգնի բարձրացնել կենսական ուժերը և էներգիա կհաղորդի։

Արթրիտ.

Արթրիտով տառապողներին խորհուրդ է տրվում մեկ բաժակ ջրին ավելացնել 2 գդալ մեղր և 1 թեյի գդալ դարչին և խմել այս խառնուրդն ամեն օր։ Այս միջոցը պարբերաբար ընդունելու դեպքում կարելի է բուժել նույնիսկ քրոնիկ արթրիտը։

Խոլեստերին

3 թեյի գդալ դարչինով ու 2 ճաշի գդալ մեղրով մի բաժակ տաք թեյը կօգնի ընդամենը 2 ժամում 10%-ով իջեցնել արյան մեջ խոլեստերինի մակարդակը։ Ինչպես և արթրիտի դեպքում, այս խառնուրդը օրական 3 անգամ ընդունելու դեպքում կարելի է կարգավորել խոլեստերինի մակարդակը նույնիսկ քրոնիկ հիվանդների մոտ։

Իմունիտետ.

Ամեն օր մեղր ու դարչին ընդունելը կօգնի ամրապնդել օրգանիզմի պաշտպանողական գործառույթները և կպաշտպանի բակտերիաներից ու վիրուսներից։ Գիտնականները հայտնաբերել են, որ մեղրը պարունակում է մեծ քանակությամբ տարբեր վիտամիններ ու երկաթ։

Միզապարկի բորբոքում.

Միզապարկի բորբոքման դեպքում հարկավոր է ընդունել 2 ճաշի գդալ դարչնի և 1 թեյի գդալ մեղրի լուծույթ (լուծել գոլ ջրում)։ Սա սպանում է միզապարկում գտնվող բոլոր մանրէները։

Մազաթափություն.

Մազաթափության կամ ճաղատության դեպքում կարելի է մազարմատներին քսել տաք ձիթապտղի յուղի, մեղրի (1 ճ.գ.) և դարչնի (1 թ.գ.) խառնուրդ, թողնել 15 րոպե, այնուհետև լվանալ մազերը գոլ ջրով։ Այս միջոցը շատ լավ օգուտ կտա նույնիսկ 5 րոպե օգտագործելու դեպքում։

Մաշկային վարակներ.

Դարչնի ու մեղրի խառնուրդը (հավասար չափաբաժիններով) քսել մաշկի ախտահարված հատվածներին։ Այս մեթոդը կօգնի բուժել էկզեման, սնկային հիվանդությունները և մաշկի այլ վարակները։

Բշտիկներ.

3 ճաշի գդալ մեղրը և 1 թեյի գդալ դարչինը խառնել և ստացված մածուկը քնելուց առաջ քսել բշտիկներին, իսկ առավոտյան լվանալ գոլ ջրով։ Ընդամենը 2 շաբաթում բշտիկներն ամբողջությամբ կբուժվեն։

Միջատների խայթածը.

Մեղրի և գոլ ջրի լուծույթին (1:2 հարաբերակցությամբ) ավելացնել մեկ թեյի գդալ դարչին և այդ խառնուրդով դանդաղ շփել խայթված հատվածը։ Ընդամենը 1-2 րոպե անց ցավը կմեղմանա։

Մարսողության խանգարում.

2 ճաշի գդալ մեղրի վրա մի փոքր դարիչնի փոշի լցնելու և ուտելուց առաջ ընդունելն օգնում է նվազեցնել թթվայնությունը և մարսել նույնիսկ ամենածանր ուտեստը։

Ստամոքսի խանգարում.

Մեղրով դարչինը մեղմացնում է ստամոքսի ցավերը և բուժում խոցերը։

Փորափքանք.

Հնդկաստանում ու ճապոնիայում անցկացված հետազոտությունները ցույց են տվել, որ մեղրն ու դարչինն օգնում են ազատվել փորափքանքից։

Ատամի ցավ.

Կարելի է հիվանդ ատամին դնել դարչնի ու մեղրի խառնուրդ՝ 1։5 հարաբերակցությամբ։ Այս պրոցեդուրան կարելի է անել օրական 3 անգամ, մինչև ցավը մեղմանա։

Բերանի խոռոչի տհաճ հոտ.

Հարավային Ամերիկայի բնակիչներն ամեն առավոտ առաջին հերթին ողողում են բերանն ու կոկորդը մեղրի ու դարչնի տաք լուծույթով՝ ամբողջ օրը բերանի խոռոչի թարմությունը պահպանելու համար։ Սակայն այս պրոցեդուրայից առաջ ցանկալի է մաքրել աղիները։

Լսողության կորուստ

Անհրաժեշտ է ամեն օր առավոտյան և երեկոյան ընդունել մեղր ու դարչին՝ 1։1 հարաբերակցությամբ։

Մրսածություն

Մրսածության դեպքում հարկավոր է խառնել 1 ճաշի գդալ տաք մեղրին ¼ թեյի գդալ դարչնին և ընդունել օրական 3 անգամ։ Այս միջոցը բուժում է գրեթե ցանկացած քրոնիկ հազը, մրսածությունը և բացում է քթանցքերը։

Գրիպ.

Գիտնականներն ապացուցել են, որ մեղրը պարունակում է մի բնական բաղադրիչ, որը ոչնչացնում է գրիպի բակտերիաները։

Քաղցկեղ.

Ավստրալիայում ու Ճապոնիայում անցկացված վերջին հետազոտությունները ցույց են տվել, որ մեղրը նպաստում է ստամոքսի ու ոսկորների քաղցկեղի բուժմանը: Այս հիվանդություններով տառապողները պետք է մեկ ամիս շարունակ օրական երեք անգամ ընդունեն մեկ ճաշի գդալ մեղրի և մեկ թեյի գդալ դարչնի խառնուրդ։

Երկարակեցություն.

Հարկավոր է պարբերաբար խմել մեղրով ու դարչինով թեյ, քանի որ այն դանդաղեցնում է ծերացման գործընթացը։

3 բաժակ եռման ջրում թրմել մեկ գդալ դարչին, սառելուց հետո ավելացնել 4 գդալ մեղր և խմել օրական 3-4 անգամ՝ ¼ բաժակ։ Այս թեյը պահպանում է մաշկի թարմությունն ու նրբությունը և դանդաղեցնում է ծերացման գործընթացը։

Նյութի աղբյուրը՝ Tert.am